Cucu Mambari Muar, Cerita lucu Bahasa Banjar

Rahatan baisukan di balakang rumah.

Cucu: "Nini. pian lagi maapa?"

Nenek: "Nini lagi nyari daun nyiur nah."

Cucu: "Gasan apa daun nyiur ni..?"

Nenek: "Gasan diolah katupat, Sayang."

Cucu: "Katupatnya gasan apa ni..?"

Nenek: "Gasan dimakan kaena."

Cucu: "Ohh kaena kah. Amun wahini pang nini lagi maapa..?''

Nenek: "maambil daun nyiur. Hih!"

Cucu: "Gasan apa?"

Nenek: "Gasan diolah katupat. Udah nini sambat kalo tadi?"

Cucu: "Ketupat tu gasan apa ni?"

Nenek: "Ya gasan dimakan.

Cucu: "Ohh kaitu kah Ni."

Nenek: "Iya. Sudah tulak bamainan gin ikam. Jangan ganggu nini."

Cucu: "Kenapa?"

Nenek :"Nini lagi sibuk."

Cucu: "Sibuk apa garang ni?"

Nenek: "Nyari daun nyiur. Tuhuknya sdah nini sambat tadi."

Cucu: "Daun nyiur gasan apa?"

Nenek: "Gasan maolah KATUPAT! KATUPAT! KATUPAAAAT!!!"

Cucu: "Nini bapandir lawan siapa garang?"

Nenek:"Lawan ikam pank!!"

Cucu: "Kanapa kuciak- kuciak? Ulun ada ae dihiga pian nah."

Nenek: "Ikam tu pank kada paham-paham, tutulian kaya abahmu! Kada malihatkah ninimu rahatan sibuk bagawi?"

Cucu: "Manggawi napa garang pian ni?"

Nenek: "Arrrrrghhhhhhh h!!! NYARI DAUN NYIUR PANG... Bongol ae!"

Cucu: "Daun nyiur gasan apa Ni?"

Nenek: "Ya Alloohh... Bongolnya cucu ku nih. Gasan di makan tu pank!"

Cucu: "Dirumah ada ae Baras Ni ae. Kanapa nini handak makan daun nyiur?"

Nenek: "Cucu nini nang paling langkar, lucu, pintar, bungas... Sebelum nini kana stroke, ikam bajauh haja gin sudah, nini handak bagawi. Jangan ganggu?"

Cucu: "Knp dapat stroke?! Jadi sabujurannya nini nyari daun nyiur atau nyari stroke? Stroke itu apa garang ni? hijau jua kah kaya daun nyiur?"

Nenek: "Adohh. Dasar cucu bangang! Mangidam kalambuai kah kuwitanmu bahari? Goblok banar!"

Cucu: "Golok? Ulun ni orang Ni ae, laen golok. Nini stress kah?"

Nenek: "Iya aku stress! Aku sakit kapala! Aku pusing 7 tanggiling! Aku handak gila! Aku stress stress stress!!!"

Cucu: "Amun mancari daun nyiur tu maolah stres.. Kanapa nini hakun mancari daun nyiur?"

Nenek: "CUKUP!!! JANGAN BATAKUN LAGI..!!! LAKAS BULIK KALO KU TIMPAS"

Cucu: "Inggih ni ae.. Kd usah manyanyarik gin.. Ulun bulik jua ae.. Pian umpat bulik kah ni..??"

Nenek: "KADA! Nini lagi bagawi!"

Cucu: "Bagawi apa Ni..?"

Nenek: "Mancari daun Nyiur!"

Cucu: "Daun Nyur gasan apa Ni?"

Nenek: *mati bediri*